Behin Washington-era etorri ezkero, nahitaezkoa da iparamerikarren iragan eta bilakaera politikoa gogorarazten duten eraikin monumentalak bisitatzea. Nik neuk behintzat, ohiturakotzat daukat, ahal denean behinik behin, oroitarri horietatik buelta bat ematea. Ikusgarriak direlako eta zabalik dagoenak beti daukalako ikasgai berria bereganatzeko aukera.
Martin Luther King-en oroitarria, ilunabarrean. Atzean, Washington-en omenez jasotako obeliskoa
Aurten Martin Luther King buruzagi ospetsuari eraiki berria dioten oroitarrian izan naiz. Berria denez -joan den urtekoa, oker ez banago- ikusi barik neukan oraindik. Eta interesgarria iruditu zait, benetan. Ondo islatzen du bere indarra eta pentsamoldea.
Memorialak azpimarratzen dituen Luther King-en esaldi indartsuen artean, bat nabarmenduko nuke nik. Denak dira ederreak, baina batek egin dit, gaur, zirarra berezia. «Iluntasunak ezin dezake iluntasuna ezabatu, argiak baino. Gorrotoak ezin dezake gorrotoa gainditu, maitasunak baino.
Blog de Josu Erkoreka 